Dominant.az jurnalist-yazar Əcəmi Əsədullanın yeni şeirini təqdim edir:
Çox sevgilər görmüsən
Ayrılıqlar, filanlar
Bir vaxt daş küçələrdə
Aşiqlərin gəzərdi
İndi mərmər üstə
Hey sürünür ilanlar
Daş küçələrin tək
ürəyin də daş idi.
Heç zaman ağlamadın
sevgilərin halına,
Çox istədim alına
Son dəfə onu görmək
Amma qismət olmadı
O da mənim tək yəqin
Bu şəhərə naşıdır.
Səndən yadigar qaldı
qumlu sahil və sevgi
Sevgimizə göz dəydi,
Qumu Xəzər daşıdı
Sən də susmağında ol
Sus ki, sevgimiz kimi
Sənin də sonun gəlsin.
Bakı, sən və həmin qız
İkiniz də vəfasız...