Belə davam edərsə, Azərbaycanda koronavirusdan ölənlərin sayı 300 nəfəri ötəcək
26 İyun 2020 10:59
1966 Baxış
2020-06-26 10:59:07
Hər kəs virusu ciddiyə alsın, bilsin ki, vəziyyət getdikcə ağırlaşır və nəzarətdən çıxır
Koronavirus ABŞ-da yeni yayılmağa başlayanda ən yaxşı ssenaridə 125 min, pis ssenaridə isə 250 min şəxsin həyatına son qoyacağı proqnozu məni çox təəccübləndirmişdi. O zaman Tramp bu proqnozu açıqlayanda ölkə üzrə ölənlərin sayı 300-400 nəfər idi. Bu proqnozu ilk dəfə eşidəndə koronavirusdan ölüm hallarının bu qədər də çox olacağına inanmamışdım. Koronavirus bu günə qədər ABŞ-da 120955 nəfərin, bütün dünyada isə 479133 canını alıb.
Azərbaycanın indiyə qədər heç bir proqnoz yoxdur, nə yaxşı və nə də pis ssenarilər qurulmayıb. Hətta bu işə məsul olan Nazirlər Kabineti yanında Operativ Qərərgah sabah nələrin baş verəcəyini belə dəqiq deyə bilməz. Çünki, elmi yanaşma, təhlil və proqnozlaşdırma işi aparılmır. Bu işə məsul olanların birisi testlərin sayını artırıb, sifarişləri öz laboratoriyasına, həkimlərin təlimini yaratdığı ictimai təşkilata yönəltməklə, digərləri tibbi ləvazimat və dərmanların, başqaları tibbi avadanlıqların alveri ilə pul qazanır.
Azərbaycanda bu günə qədər koronavirusdan 180 nəfər ölüb, hazırda 6613 nəfər virus daşıyıcısı xəstəxanada yerləşdirilib. Bu mülki statistikadır, qapalı institutlarda (həbsxanalarda və hərbi hissələrdə) nələr olduğunu bilmirik.
Mülki statistikaya görə, ölüm faizi 2,2 olduğundan hazırda xəstəxanada yerləşdirilənlər arasından da ölüm sayı, ən azı 145 nəfər ola bilər. Son zamanlar gündəlk ölüm əmsalı, orta hesabla 6 nəfərə qalxıb. Bu gedişlə 1 ayda daha 180 nəfər itirə bilərik. Bu isə o deməkdir ki, ən yaxşı ssenari üzrə Azərbaycanda koronavirusun 1-ci dalğasının qurbanları indiki saydan 2 dəfə, orta və pis ssenaridə isə 3-5 dəfə çox ola bilər. Yəni belə davam edərsə, tezliklə koronavirusdan ölənlərin sayı 300 nəfəri ötəcək.
Bu dəhşətli rəqəmləri yazmaqda məqsədim odur ki, hər kəs virusu ciddiyə alsın, bilsin ki, vəziyyət getdikcə ağırlaşır və nəzarətdən çıxır. Odur ki, "Allah" deyib dayanmayın. Görünür ki, Allah da bu gözəgörünməz bəla ilə bizi sınağa çəkir. Bir də ki, Allahın yanında o qədər böyük günahlarımız var ki, belə çətin məqamlarda onları bağışlayıb dadımıza çatacağına da əmin deyiləm.
Bir sözlə, özünüzü və ailənizi özünüz qoruyun!
Qubad İbadoğlu, iqtisadçı alim
Bölməyə aid digər xəbərlər
Xəbərlər
-
04 Fevral 2024 00:01
-
31 Yanvar 2024 00:13
-
26 Yanvar 2024 00:14
-
17 Yanvar 2024 11:24
-
14 Yanvar 2024 20:12
-
13 Yanvar 2024 21:02
-
13 Yanvar 2024 20:44
-
12 Dekabr 2023 00:07
-
03 Dekabr 2023 18:37
-
02 Dekabr 2023 20:14
-
22 Noyabr 2023 21:46
-
17 Noyabr 2023 00:08
-
15 Noyabr 2023 20:03
-
12 Noyabr 2023 00:05
-
10 Noyabr 2023 20:14
-
10 Noyabr 2023 20:12
-
10 Noyabr 2023 00:03
-
05 Noyabr 2023 14:04
-
27 Oktyabr 2023 00:09
-
25 Oktyabr 2023 00:12
-
18 Oktyabr 2023 22:49
-
18 Oktyabr 2023 00:18
-
18 Oktyabr 2023 00:06
-
17 Oktyabr 2023 00:14
-
15 Oktyabr 2023 00:12
-
11 Oktyabr 2023 00:13
-
08 Oktyabr 2023 00:42
-
07 Oktyabr 2023 20:03
-
05 Oktyabr 2023 00:10
-
04 Oktyabr 2023 00:26
Ən çox oxunanlar
