Dominant.az yazar-jurnalist Əcəmi Əsədullanın yeni şeirini tədim edir:
Əlil arabasında sevgi
Tanrım, gəl bu çarxı çevir
Bu zəlil nə haqla sevir?!
Nə olsun ki, gözü gülür,
Ürəkdən ki gülə bilmir!
Sanki buna layiq kimi
Tək ayaqlı aşiq kimi
Gecələr ölüm istəyib
Səhəri ki ölə bilmir!
Bu əlil arabasından
Öz zəlil xarabasından
Qəlbinə yollar da tapıb.
Səbəb bəlli, gələ bilmir!
Kaş xəyal qura biləydi
Sevdiyin ala biləydi,
Əlil arabasıyla,
Nə etsin ki, ala bilmir?!