Dominant.az xəbər verir ki, bu sözləri iqtisadçı-ekspert Rövşən Ağayev "Facebook" hesabında qeyd edib.
Ekspert qeyd edib ki, aqarar sektor daha böyük sayda əhali kütləsi üçün dolanışıq və həyatda qalma mənbəyidir: "Əgər hökumət sərtləşdirməyə gedirsə, bu sektorun itkilərinin azaldılması və dəstək mexanizmləri barədə düşünməlidir. Məsələn, indiki təcrübədə 2 günlük sərt rejim tətbiq olunursa, bu, o deməkdir ki, fermerlər, ən azından, 3 gün böyük bazarlara məhsul göndərə bilmirlər. Kənd təsərrüfatı məhsullarının əsas istehlakçısı isə giriş-çıxışı tam bağlanan iri şəhərlərdir. Xüsusilə də meyvə-tərəvəz məhsulları gündəlik dərilib bazara çıxarılmadıqda itkilər baş verir".
"Hələlik hökumətin davranışından belə görünür ki, sanki virusun təsirləri elə 2 aylıq imiş və birbaşa maliyyə dəstəyi mexanizmləri də elə 2 ayla yekunlaşdı. Əgər TƏBİB uzunmüddətli sərt karantin rejimi haqda danışırsa, iqtisadi strukturlar da uzunmüddətli iqtisadi dəstək mexanizmləri, potensial risk sektorları ilə bağlı özlərinin yeni planlarını ortaya qoymalıdırlar", - deyə, iqtisadçı qeyd edib.