Sabiq deputatın universitetində valideylərini itirmiş tələbə imtahana buraxılmır

"Odlar Yurdu Universitetinin informatika fakültəsinin 1-ci kurs tələbəsi Bağırova Fatimə təhsil haqqının qalıq 500 manat borcunu ödəyə bilmədiyi üçün iyunun 12-də keçiriləcək imtahana buraxılmayacaq".

Dominant.az xəbər verir ki, bunu jurnalist, iqtisadçı-ekspert Qadir İbrahimli bildirib.

Q.İbrahimlinin sözlərinə görə, tələbənin hər iki valideyni dünyasını dəyişib, o, nənəsinin himayəsindədir.

Jurnalist univesitetin rektoruna məsələ ilə bağlı müraciət edib: "Odlar Yurdu Universitetinin rektoru, sabiq deputat, özəl klinikası ("Oksigen"), bankı ("Muğanbank) və çoxsaylı biznes obyektləri olan Əhməd Vəliyev, bir yetim qıza dəstək olacaq qədər imkanınız yoxdur?"