DAK bütün azərbaycanlıları İranın riyakar siyasətini lənətləməyə çağırır

30 Sentyabr 2020 16:19    359 Baxış   
DAK bütün azərbaycanlıları İranın riyakar siyasətini lənətləməyə çağırır
Dünya Azərbaycanlıları Konqresi İran-İslam cümhuriyyətinin Ermənistana fasiləsiz yardım etməsini və başqa ölkələrin silah-sürsatının, hərbi texnikasının Ermənistana keçirilməsinə imkan yaratması ilə bağlı bəyanat yayıb.

Dominant.az bəyanatın mətnini təqdim edir:

"Dünyanın bütün qitələrinə səpələnmiş Azərbaycanlıların ən böyük diaspor təşkilatlarından olan DAK qonşumuz İran-İslam cümhuriyyətinin Ermənistana fasiləsiz yardım etməsini və başqa ölkələrin silah-sürsatının, hərbi texnikasının Ermənistana keçirilməsinə imkan yaratmasını, öz yollarını düşmənlərimizə açmasını Vətəndə və xaricdə yaşayan həmvətənlilərimiz adından qətiyyətlə pisləyir və lənətləyir. İran-İslam cümhuriyyətinin bu düşmən əməllərini xaricdə yaşayan soydaşlarımız qəzəb və etirazla qarşılayır və pisləyirlər.

Azərbaycanın XX faiz torpağının Ermənistanın işğalı altında olduğu son 30 ildə İranın rəsmi diplomatiyası daim Bakı ilə İrəvan arasında kəndirbazlıq edərək iki üzlü bir siyasət yürütmüşdür. Ermənistanın ən ağır günlərində İran daim onun xilaskarı cildində çıxış etmişdir. Arazın üstündən körpülər salmış, Azərbaycan Respublikasına məxsus olan torpaqlardan düşmənimizə xidmət etmiş, yollar çəkmiş, Ermənistanın ən böyük iqtisadi və enerji yardımçısı olmuşdur. Dünyada dinlərarası qütbləşmənin dərinləşdiyi bir şəraitdə İranın bu “siyasəti” İslam birliyinə sarsıdıcı zərbədir. Özünü şiə mənsəbinin, İslam dininin sadiq mühavizəçisi kimi göstərən İran İslam birliyi ideyasını terrorçu Xristian dövləti olan Ermənistanın ayaqları altına atmışdır. Bu, eyni zamanda əhalisinin yarısı türk olan İran İslam cümhuriyyətinin orada yaşayan türklərin, azərbaycanlıların heysiyyəti ilə oynaması, onların ləyaqətini alçaltması və milli duyğularını təhqir etməsidir.

Dünya Azərbaycanlıları Konqresi olaraq İranın bu mövqeyini qətiyyətlə pisləyir, İranda və yer üzündə yaşayan bütün azərbaycanlıları, qonşu dövlətin bu riyakar siyasətini lənətləməyə və öz mövqeylərini İran dövlətinə və onun xaricdəki səfirliklərinə çatdırmağa çağırırıq.

Azərbaycan Ermənistanın işğalçılıq siyasətinə, “yeni torpaqlar uğrunda yeni savaş” iddiasına, cavab olaraq öz torpaqlarını azad etmək mücadiləyə qalmışdır. Azərbaycan öz torpağında və öz torpağını təmizləmək üğrunda savaşır. Azərbaycanın yolu haqq yoludur, 30 illik işğala son qoymaq yoludur, bu yolda Allah ordumuza və millətimizə yar və yardımçı olsun.
DAK həmsədrləri:

Sabir Rüstəmxanlı

Firudin Pərviz Nia"



Bölməyə aid digər xəbərlər
Xəbərlər
Bütün xəbərlər
Ən çox oxunanlar