Xırdalanda valideynləri uşağa xəsarət yetirib küçəyə atdı - FOTOLAR

08 Oktyabr 2022 13:03    2350 Baxış   
Xırdalanda valideynləri uşağa xəsarət yetirib küçəyə atdı -   FOTOLAR

Vəkil Vamiq Şükürov Xırdalanda qarşılaşdığı hadisə ilə bağlı polisə müraciət edib. Bu barədə hüquqşünas “Facebook” səhifəsində yazıb.

O bildirib ki, oktyabrın 6-sı gecəyarısı Xırdalanda marketdən çıxarkən diqqətini bir uşaq cəlb edib:

“Hiss olunurdu ki, şortik və qısaqol köynəkdə üşüdüyü üçün marketdə dayanıb kimisə gözləyir. Belə bir vaxtda valideyni yanında olmayan uşağın həyatı üçün narahat olub ətrafdakı bir neçə nəfərlə maraqlanmağa başladım. Çətinliklə olsa da, ünsiyyətə keçə bildik. Uşaq hava almaq üçün bayıra çıxdığını dedi. Ona inanmayıb evlərinə apardıq, qapını döysək də, açan olmadı. Havaya uyğun olmayan, özü də çirkli paltarda və valideyn nəzarətindən kənarda bayıra çıxan uşağın qolunda xəsarət izlərini görüb polisə zəng etdik.

Blokdan həyətə çıxıb əraziyə gələn polisə təhvil verdik uşağı. Bizə deyə bilmədiyini polisə dedi, qolundakı xəsarəti atası vurubmuş. Polis binaya qalxıb qapını açdı və evdə bir qadınla kişini, masanın üzərində narkotik maddələri və tərəzini aşkar etdi. Qadın uşağın anası imiş. Kişi və narkotik maddələrin evində olmasından xəbərsiz olduğunu dedi. Polis qadın, kişi və uşağı idarəyə apardı”.

Oktyabrın 6-da ata və ananın xəsarət yetirərək, gecəyarısı küçəyə atdıqları uşaq nəzarətə götürülüb. Bu barədə Daxili İşlər Nazirliyinin Mətbuat Xidmətinin əməkdaşı Nurlan “Məsələ ilə bağlı araşdırma davam edir. Artıq uşaq təhlükəsiz ünvana yerləşdirilib”- deyə N.Əliyev vurğulayıb.






Bölməyə aid digər xəbərlər
Xəbərlər
Bütün xəbərlər
Ən çox oxunanlar