"Azərbaycan bayrağını Şuşa, Xankəndi üzərində dalğalandırmaq vaxtıdır" - Amerikalı politoloq

17 Oktyabr 2020 21:46    398 Baxış   
"Azərbaycan bayrağını Şuşa, Xankəndi üzərində dalğalandırmaq vaxtıdır" -  Amerikalı politoloq

"Azərbaycan dövlətinin öz bayrağını Şuşa, Xankəndi, Füzuli, bütövlükdə Dağlıq Qarabağ üzərində dalğalandırmasının vaxtı yetişib. Azərbaycana məxsus bütün torpaqlar Azərbaycan dövlətinin tam nəzarətində olmalı, bir milyondan çox məcburi köçkün isə doğma yurd-yuvalarına qayıtmalıdır".

Bu fikirləri "Report"a amerikalı politoloq, beynəlxalq münasibətlər üzrə eksperti Piter Teys deyib.

O, BMT Təhlükəsizlik Şurasının iclasında Ermənistanın faşist ordusunun son 30 il ərzində insanlığa qarşı törətdiyi cinayətlərə dünya ictimaiyyətinin diqqətini cəlb etməyin vacibliyini bildirib.

"Azərbaycanın suveren torpaqlarında terrorçuluğa yer yoxdur. Prezident İlham Əliyevin rəhbərliyi altında Azərbaycan uzun illər ərzində taktiki və diplomatiya baxımından təmkinlə davranıb. İndi isə Azərbaycan Silahlı Qüvvələrinin müdafiə tədbirləri Azərbaycanın suveren ərazilərinin toxunulmazlığını aydın şəkildə təsbit edən BMT TŞ-nın 4 qətnaməsi çərçivəsində həyata keçirilir", – politoloq diqqətə çatdırıb.

P.Teys Azərbaycanın heç bir nəticə verməyən "saxta diplomatik danışıqlar" aparmağa səbrinin tükəndiyini qeyd edib:

"Azərbaycan xalqı sülh və əmin-amanlıq içində yaşamalıdır. Davakar davranışları, faşistsayağı etnik təmizləmələr aparmaq, dağıtmaq siyasəti yeridən Ermənistan Cənub-Şərqi Avropa regionunu girov saxlaya bilməz. Azərbaycan dünyanın 180-dan çox ölkəsinin dəstəyinə arxalanır. BMT Təhlükəsizlik Şurasının 1993-cü ildə qəbul etdiyi 4 qətnamə də Azərbaycan üçün suveren torpaqlarını azad etmək üçün hüquqi sipərdir. İndi Nikol Paşinyan Ermənistan silahlı qüvvələrini Azərbaycanın işğal etdikləri suveren torpaqlarından çıxaranadək BMT Ermənistanın üzvlüyünü dayandırmalıdır".

Politoloqun fikrincə, Ermənistanın uzun illərdir Azərbaycan ərazisində təbii sərvətləri vəhşicəsinə qarət etməsi, o cümlədən qanunsuz qızıl hasilatı da hərtərəfli şəkildə araşdırılmalıdır.

30 sentyabr 2020

Bölməyə aid digər xəbərlər
Xəbərlər
Bütün xəbərlər
Ən çox oxunanlar