İstefaya göndərilən general yeni vəzifəyə təyinat aldı

05 Aprelel 2021 20:13    468 Baxış   
İstefaya göndərilən general yeni vəzifəyə  təyinat aldı

Sumqayıt Olimpiya İdman Kompleksinə yeni direktor təyin olunub.

Dominant.az-ın xəbərinə görə, yeni direktor general-mayor Natiq Əliyevdir.

Ehtiyatda olan hərbi zabit idmana yad sima deyil. Belə ki, o, karate-do idman növü üzrə 3-cü dan idman dərəcəsinə malikdir. 1999-2012-ci illərdə Müdafiə Nazirliyinin Mərkəzi Ordu İdman Klubunun rəisi vəzifəsində çalışıb.

O, əvvəllər AFFA-nın İcraiyyə Komitəsinin üzvü və Beynəlxalq Hərbi İdman Şurasında Azərbaycan nümayəndə heyətinin rəhbəri olub. Hazırda Milli Olimpiya Komitəsinin İcraiyyə Komitəsinin üzvüdür.

Natiq Əliyev 2012-2020-ci illərdə Azərbaycan Respublikasının Müdafiə Nazirliyinin Tibb Baş İdarəsinin rəisi işləyib. Ötən ilin iyun ayından Azərbaycan Prezidenti İlham Əliyevin müvafiq sərəncamı ilə bu vəzifəsindən azad olunaraq ehtiyata buraxılıb.

Qeyd edək ki, Natiq Əliyevdən əvvəl Sumqayıt Olimpiya İdman Kompleksinin direktoru boks millimizin sabiq baş məşqçisi Məmməd Eyvazov olub. O, ötən ilin dekabrında koronavirusdan dünyasını dəyişib.
(Oxu.az)
Bölməyə aid digər xəbərlər
Xəbərlər
Bütün xəbərlər
Ən çox oxunanlar