“Marsel Ermənistandır?” - Təhlil

18 Fevral 2022 15:06    3249 Baxış   
“Marsel Ermənistandır?”  -    Təhlil

İdman, bir qayda olaraq, humanitar sahə sayılır. Bu xoşməramlı fəaliyyətə çirkli niyyətlər qatıldıqda onun mahiyyətinə, daxili və beynəlxalq səviyyədə funksiyasına xələl gəlir. Pis əməllər və niyyətlər qatılan idman yarışları eybəcər görünür, ikrah doğurur.

Ermənistanın qonşularına qarşı yürütdüyü pis əməllər diaspor tərəfindən də təbliğ edilir. Bir vaxtlar bu ölkənin baş naziri Nikol Paşinyanın Tehranda “Qarabağ Ermənistandır, nöqtə” ifadəsinə Azərbaycan Prezidenti İlham Əliyev 2019-cu ilin oktyabrında “Qarabağ - Azərbaycandır. Və nida işarəsi” deməklə cavab vermişdi. O, bu şüarı Ali Baş Komandan olaraq, təxminən bir il sonra 44 günlük müharibədə sübut etdi.

Fevralın 17-də Azərbaycanın Ağdam şəhərinin “Qarabağ” futbol klubu UEFA Konfrans Liqasının pley-off mərhələsində ilk oyununu keçirib. Azərbaycan təmsilçisi tarixi matçda Fransada “Marsel”in qonağı olub. “Velodrom” stadionunda keçirilən qarşılaşma meydan sahiblərinin 3:1 hesablı qələbəsi ilə başa çatıb. Mütəxəssislər Azərbaycan komandasının Fransada “Marsel” kimi nüfuzlu kluba qarşı layiqli oynadığını bildiriblər.



Düzü, əvvəlcədən bu qarşılaşmanı ermənilərin, yaxud onların yanlış təbliğatlarının daşıyıcılarının da izləyəcəyi istisna olunmurdu. AFFA-nın icraçı vitse-prezidenti Elxan Məmmədov UEFA və Fransa Futbol Federasiyasına ermənilərin, yaxud onların hazırladıqları adamların oyun zamanı, habelə ondan sonra futbolçulara və Azərbaycana qarşı törədəcəkləri təxribatın qarşısının alınması ilə bağlı müraciət də etmişdi. Görünür, müraciət olunan ünvanlar ya Ermənistanın uydurmalarını əhəmiyyətsiz sayıb, ya da onların fəaliyyətinə dəstək vermək məqsədilə oyun zamanı törədilən təxribatın qarşısını almayıblar. Çünki qarşılaşma ərzində “Qarabağ Ermənistandır” ifadəsi və Ermənistanın dövlət bayrağı stadionda nümayiş etdirilib. Qarşılaşmanın təşkilinə məsuliyyət daşıyanlar Azərbaycana qarşı bu təxribatın qarşısını almayıb. Ona görə də xalq diplomatiyasına söykənərək “Qarabağ” tərəfdarlarının fransalılara “Marsel Ermənistandır!” şüarı ilə uyğun cavab vermək haqqı var.



Qeyd edək ki, Azərbaycan Respublikasının Prezidenti İlham Əliyev 2020-ci il oktyabrın 4-də “Əl-Ərəbiyə” televiziya kanalına müsahibəsində Fransanın Azərbaycanın ərazi bütövlüyünə qarşı tutduğu mövqe ilə bağlı bunları bildirmişdi: “Əgər Fransa Dağlıq Qarabağ üçün öz müqəddəratını təyinetmə istəyirsə, qoy onlar demək olar ki, sakinlərinin yarısı ermənilərdən ibarət olan Marsel şəhərini onlara versinlər və onlara Dağlıq Qarabağ respublikası elan etməyə icazə versinlər və qoy onlara müstəqillik versinlər. Qoy Korsikaya müstəqillik versinlər, qoy basklara müstəqillik versinlər”.

Fevralın 24-də Bakıda Tofiq Bəhramov adına stadionda keçiriləcək. Odur ki, həmin oyun zamanı stadionda bir qrup “Marsel Ermənistandır!” şüarını nümayiş etdirsə, buna rəsmi Parisin, UEFA, Fransa Futbol Federasiyasının reaksiyası necə olar?


REPORT


Bölməyə aid digər xəbərlər
Xəbərlər
Bütün xəbərlər
Ən çox oxunanlar