Milli Məclisin deputatı məhkəməyə verildi

08 İyun 2021 20:14    818 Baxış   
Milli Məclisin deputatı  məhkəməyə verildi

"Şahdağ” futbol klubu Azərbaycan Həmkarlar İttifaqları Konfederasiyasını (AHİK) məhkəməyə verib.

Dominant.az hit.az-a istinadən xəbər verir ki, iddia Bakı Kommersiya Məhkəməsinin hakimi Zaur Pirverdiyevin icraatındadır. Açıq mənbələrdə məhkəmə çəkişməsinin səbəbləri barədə hər hansı bilgi yoxdur.

AHİK-in sədri deputat Səttar Möhbalayevdir. O, 6 fevral 1993-cü ildən bu vəzifədədir.

Bir neçə il əvvəl Səttar Möhbalıyev Qarabağ qazisi Zaur Həsənovun intiharı ilə gündəmə gəlmişdi. Qarabağ qazisi AHİK sədrinin qanunsuz əməllərinə etiraz olaraq özünü yandırmışdı. Zaur Həsənov xəstəxanaya çatdırılsa da, onun həyatını xilas etmək mümkün olmamışdı.

Səttar Möhbalıyev bu olaya görə ciddi ictimai qınağa tuş gəlmişdi.

AHİK sədri həm də Prezidentin keçmiş köməkçisi Əli Həsənovun qudasıdır. Əli Həsənov görəvdən alınanda onun da işdən çıxarılacağı gözlənilirdi.
Bölməyə aid digər xəbərlər
Xəbərlər
Bütün xəbərlər
Ən çox oxunanlar