Sabunçu-Zabrat yolunda qəza baş verib.
Dominant.az-a hadisə yerində olan şəxslərin xəbər verdiyinə görə, "Opel" markalı minik avtomobili ərazinin düzgün işıqlandırılmaması səbəbindən yolu görməyib və yoldakı çuxura düşüb.
Qəza saat 21:38 radələrində qeydə alınıb.
Hadisə nəticəsində xəsarət alan olmasa da, qəza yolda böyük avtombil tıxacının yaranmasına səbəb olub.
Hadisə şahidlərinin bildirdiyinə görə, 10 gün bundan öncə su borusunun təmir edilməsi məqsədilə yolda qazıntı işləri aparılıb. Ancaq boru təmir olunduqdan sonra qazılmış yol təmir ediməyib, asfalt örtüyü çəkilməyib. Nəticədə də bu gün avtomobil qazılmış yola düşüb.
Ümid edirik ki, ərazidə ölümlə nəticələnən hadisə baş vermədən aidiyyəti qurumlar tərəfindən tədbir görüləcək.