Azərbaycanlı kinorejissorun filmi İtaliyada film festivalına vəsiqə qazanıb - VİDEO

Mediapress.az-ın məlumatına görə, həmyerlimizin “Turistlər” filmi 3068 filmin içindən seçilib.

Qeyd edək ki, Tofiq Teymuroğlu bu festivalda iştirak edən ilk azərbaycanlıdır.

“Öz hesabıma görülən işdir. Dəstəksiz olaraq dünyaya açılmaq istəyirəm. Azərbaycandakı incəsənət, film sektorundakı vəziyyət göz qabağındadır. Bu, mənlik deyil. Mən Azərbaycanın gerçək mədəniyyətini dünyaya təbliğ etmək istəyirəm”, - deyə saytımıza açıqlama verib.

T.Teymuroğlu sənətşünasdır, o, Mədəniyyət və İncəsənət Universitetinin məzunudur. Teatrşünas, ədəbi tənqidçidir. Aydın Talıbzadənin tələbəsi olub, kinorejissor Cəmil Quliyevdən isə rejissorluğun incəliklərini öyrənib . 2000-ci ildən televiziyalarda işləyib. 2005-ci ildən müstəqil rejissor kimi çalışıb.