Ermənilər Qarabağa hücum edir, yüzlərlə azərbaycanlı öldürülür

12 fevral 1920-ci il - Azərbaycan Kommunist (bolşeviklər) partiyası yaradılır. Partiyanın təsis qurultayında Xalq Cümhuriyyətini yıxmaq üçün silahlı üsyan xətti irəli sürülür və bu məqsədlə proqram (bolşevik Rusiyasının siyasətini həyata keçirən AK(b)P-nın rəhbəri Azərbaycan xalqının qatı düşməni, erməni millətçisi Anastas Mikoyan idi) qəbul olunur.

12 fevral 1988-ci il - Ermənilərin ilk separatçı çıxışları başlayır. İrəvan (Yerevan) şəhərində küçələrə çıxmış ermənilər tərəfindən “Ermənistanı türklərdən təmizləməli!”, “Ermənistanda ancaq erməni yaşamalıdır!” və sairə millətçi şüarlar səsləndirilir.

12 fevral 1988-ci il - DQMV-də gizli fəaliyyət göstərən millətçi “Krunk”-un təşkilatçılığı ilə Xankəndi şəhərində DQMV-nin Azərbaycanın tərkibindən çıxarılaraq Ermənistana birləşdirilməsi tələbi ilə ermənilər tərəfindən mitinq keçirilir.

12 fevral 1992-ci il - Gəncədən Xocalıya ərzaq və yanacaqla yüklənmiş bir hərbi vertolyot gəlir. Yaşayış məntəqəsinin ətrafında yerləşən mövqelər ermənilər tərəfindən atəşə tutulur. Tələfat və dağıntılar olur.

12 fevral 1992-ci il - Rusiya prezidenti B.Yeltsin Telavi vertolyot kursu bitirmiş erməni pilotlarına yeni və dəqiq hərbi uçuşa malik olan “Mİ-24P” markalı vertolyotların verilməsi haqqında 7-ci ordunun baş komandanı, general-mayor Reuta göstəriş verir.

12 fevral 1992-ci il - Marşal Sapoşnikov azərbaycanlı deputat nümayəndələrinə 366-cı alayın çıxarılması ilə bağlı razılıq bildirmir.

12 fevral 1993-cü il - Keçmiş Ağdərə rayonunun Vaquas kəndi yaxınlığında baş verən döyüşdə 70 nəfər həlak olur.

12 fevral 1994-cü il - Ermənilər Qarabağ cəbhəsində güclü əks-hücuma keçirlər. Yüzlərlə azərbaycanlı tələf olur.

12 fevral 1994-cü il - Ermənistan silahlı birləşmələri 3 istiqamətdən (Zod-Yanşaq, Kəlbəcər-Qamışlı, Ağdaban-Meydançay) əks-hücuma keçir. Ermənilər çoxlu itki versələr də, Azərbaycan tərəfinin də çoxlu itkiləri olur...