Altıağacda nə xəstəxana var, nə də aptek - Jurnalistin oğlu ölümdən döndü

Yenidən həkim axtarmağa başladıq. Qarşımıza çıxan kənd sakini yaxşı bir tibb bacısı olduğunu bildirərək ünvan verdi. Axtarıb evini tapsaq da, tibb bacısı Ləman xanım əvvəlcə bizi qəbul etmək istəmədi. Ancaq davamlı israrımın, yalvarışlarımın qarşısında bizi qapıda saxlamadı. Özbaşına heç nə edə bilməyəcəyini deyərək, bir vaxtlar bərabər çalışdığı Solmaz adlı həkimə zəng edib çağırdı. Çox keçmədi ki, ağ örpəkli, nurani simalı, kübar bir xanım gəldi. Uşağın vəziyyətinin kəskin olduğunu, çarəsizliyimi görüb tibb bacısına uşağa tibbi müdaxilə üçün göstəriş verdi. Ev şəraitində olsa da, Rəhmanımı çətin vəziyyətdən çıxarmağa başladılar. Və… şansımız gətirdi, oğlumun səhhəti düzəldi.

Solmaz xanımla söhbətimiz əsnasında məlum oldu ki, 1977-ci ildən buradakı Tibb Məntəqəsində həkim işləyirmiş, 2023-cü ildə yaşa görə işdən çıxarılıb. Kənd sakinlərinin tələbi ilə 1 il müddətinə işə qaytarılsa da, yenidən azad edilib. Buna baxmayaraq, təcrűbəsinə, savadına görə kənd sakinlərinin pənah yeridir, hər kəsin imdadına yetişir. Həyəcan, narahatlıq, qorxu aradan qalxandan sonra beynimdə suallar uçuşmağa başladı. İlahi, görəsən, buradakı insanlar belə çətin durumlarda nə edirlər? Beynimi yoran bəzi sualları dilə gətirmək, səlahiyyət sahiblərinə ünvanlamaq istəyirəm. Hörmətli cənablar, olmazmı ki, təcrübəli həkimləri yaşa görə işdən çıxarıb insanları təcrübəsiz həkimlərin qurbanına çevirməyəsiz? Bu qədər əhalisi olan, üstəlik hər ay yüzlərlə, bəlkə də minlərlə turistin üz tutduğu, turizm potenaislı yüksək olan bir ərazidə tibb məntəqəsi, aptek yaradılsın?

Bizim şansımız gətirdi deyə bilərəm. Tibb bacısı Ləman xanım və ömrünü insanların sağlamlığının keşiyində durmağa həsr eləmiş Solmaz xanım imdadımıza yetişdi. Ancaq hər kəs bizim qədər şanslı olmaya bilər… Hə dostlar, Altağacın səfalı havasından, füsnkar təbiətindən, açıqürəkli insanlarından aldığım təəssüratlar da sonsuzdur. Ancaq burada səhətinizdə problem yaranarsa və ya hansısa xroniki xəstəliyiniz varsa, Altıağaca gələrkən ehtiyatlı gəlin. Burada nə aptek var, nə də güvənəcəyiniz tibbi yardım xidməti. Burada ancaq və anaq hər kəsin pənah yeri, güman yeri olan Solmaz xanım və tibb bacısı Ləman xanım var…