HAYDI, CƏNGİ ÇALINSIN!

01 Oktyabr 2020 12:14    117 Baxış   
HAYDI, CƏNGİ ÇALINSIN!
Dominant.az Ərşad Əzimzadənin yeni şeirini təqdim edir:

Gör nə vaxtdı erməni torpağımı alıbdı,
Şeyda bülbül Qarabağ əsirlikdə qalıbdı!
Haydı, cəngi çalınsın!
Şuşa geri alınsın!
Torpaq qanlı yaş tökür, göz yaşını silmirik,
Daşıb səbir kasamız, daha dözə bilmirik,
Haydı, cəngi çalınsın!
Ağdam bütöv alınsın!

Korlayır hay nəfəsi Laçının saf havasın,
Topçu qardaş, nişan al, dağıt şeytan yuvasın!
Haydı, cəngi çalınsın!
Mərd Laçınım alınsın!

ATƏT də, BMT də oyuncaqdı əllərdə,
Onların fitvasıyla talan gedir ellərdə.
Haydı, cəngi çalınsın,
Fizulimiz alınsın!

“Komprimis” deyə-deyə baş altda yastıq qoyur,
Xalqları tutaşdırıb, Moskva sərvət soyur.
Haydı, cəngi çalınsın,
Cəbrailim alınsın!

Zəngilanda Xan Çinar yolumuzu gözləyir,
Boynuna sarılacaq qolumuzu gözləyir.
Haydı, cəngi çalınsın,
Zəngilanım alınsın!..

Ədalət gözləmə sən iblissifət Sarıdan,
Dəyənəksiz çıxarmı murdar donuz darıdan?!!
Haydı, cəngi çalınsın,
Qubadlımız alınsın!..

Şanlı ordum göstərsin yağılara hünəri,
Haqsızlığa son qoysun Azərbaycan əskəri !
Haydı, cəngi çalınsın,
Kəlbəcərim alınsın!

Qanad qanada verib, Şahinlər göyə qalxsın,
Xocalını yandıran hayı yandırıb-yaxsın.
Haydi, cəngi çalınsın,
Xocalımız alınsın!..

Cənab Ali Komandan, əmr et cəngi çalınsın,
İnildəyən torpaqlar işğalçıdan alınsın.
Bayrağımız sancılsın Xankəndi sarayında,
Cavanlar yallı getsin Cənginin harayında.

Ərşad Əzimzadə,
Zəngilan sakini.
31 07..2020
Bölməyə aid digər xəbərlər
Xəbərlər
Bütün xəbərlər
Ən çox oxunanlar