Dominant.az yazar-jurnalist Əcəmi Əsədullanın 13 gündür aclıq edən, "Müsavat" fəalı Tofiq Yaqubluya həsr etdiyi şeiri təqdim edir:
Saçlar ağardıqca
günlər qaralır.
Gözündən oxunur
həyat təşvişi.
Zindanda bizlərik,
sən azadlıqda,
Məhbəsdə azadlıq
yaradan kişi.
Baxma məzlum-məzlum
vətənim kimi,
Dəmir barmaqlıqlar
üzünü bölür.
Alnına yazılıb
"azadlıq" sözü,
Dəmir parçaları
o sözü bölür.
Düşmənlə savaşıb
bizə uduzdun.
Aclıqdan unutdun
azadlıq dadın.
Bir əsr yaşayan
əsir ölkəmin,
Yesir övladısan,
Əsir övladı...