Yaralı qazilər ATU-nun Tədris Cərrahiyyə Klinikasindan çıxarılıblar - RƏSMİ

Dünən Azərbaycan Tibb Universitetinin (ATU) Tədris Cərrahiyyə Klinikasinda yatan 29 nəfər ağır yaralı qazi klinikadan çıxarılacaqları barədə məlumat vermişdi.

TƏBİB- in İctimaiyyətlə əlaqələr şöbəsinin məsləhətçisi Elnarə Baxış "Qafqazinfo"ya açıqlamasında məsələyə münasibət bildirib.

O qeyd edib ki, sözügedən universitetin Tədris Cərrahiyyə Klinikası bundan sonra COVID-19 xəstələrinə xidmət üçün fəaliyyət göstərəcək: "Buna görə də qazilərin bəziləri məzuniyyətə göndərilib, bəziləri Silahlı Qüvvələrin Baş Klinik hospitalına köçürülüb. Bəziləri isə evə buraxılıb".