Dominant.az yazar Mahir Mehdinin yeni şeirini təqdim edir:
Əsgər mesajı
... Vaxt tapıb bitirmədiyin
çox asanca
bir işəm...
Qəfildən dartılar qapı,
açarsan ki
gəlmişəm.
Keçib güllədən, ortanı
yüyürmüşəm
qıraqla.
Soldan vurulmuşam, yerə
çatıram sağ ayaqla.
Görərsən,
bir ayaq - əsa...
əskikəm yerişimdən.
Yıxılıb düşmüş tərəfim
dayanıb girişində.
Qayıtmışam, tək ayaqla
bu əsanı
ötməyə...
Hər axşam sənin ifanda
özümü eşitməyə...